යුක්‍රේන අභ්‍යන්තර කටයුතු අමාත්‍යාංශයේ නිලධාරියෙකු තහවුරු කරන්නේ යුක්‍රේනයට ප්‍රහාර එල්ලකිරීමට පැමිණි රුසියානු ගුවන් යානයක් Kyiv හි Darnytskyi දිස්ත්‍රික්කයට ඉහළින් වෙඩි තබා බිම හෙළා දැමූ බවයි.
ප්‍රහාරයට ලක්වූ යානය Koshytsia Street හි මහල් නිවාසයට කඩා වැටී ඇති බව නියෝජ්‍ය අභ්‍යන්තර කටයුතු අමාත්‍යවරයෙකු වන ඇන්ටන් හෙරෂ්චෙන්කෝ පවසනවා.
එම ප්‍රදේශයේ ප්‍රාදේශීය වාර්තා සදහන් කරන්නේ යානය කඩාවැටීමෙන් මහල් නවයක නේවාසික ගොඩනැගිල්ලක් ගිනිගෙන ඇති බවයි.
මෙම සිදුවීමෙන් අවම වශයෙන් පුද්ගලයින් තිදෙනෙකු තුවාල ලබා ඇති බව කියෙව් නගරාධිපති විටාලි ක්ලිට්ෂ්කෝ උපුටා දක්වමින් විදෙස් මාධ්‍ය සදහන් කරනවා.
යුක්‍රේන අගනුවර මීට පෙර පිපිරීම් කිහිපයක් පිළිබඳ වාර්තා වී ඇති අතර කියෙව් අසල නගරයක් වන බ්‍රෝවාරි හි හමුදා කඳවුරකට රුසියානු කෲස් මිසයිල ප්‍රහාරයක්ද එල්ල කර තිබෙනවා.
