පකිස්තානයේ සින්ද් ප්‍රාන්තයේ පාසල් 11, 000 ක් වසා දැමීමට අධ්‍යාපන බලධාරීන් තීරණය කර තිබේ.
ප්‍රමාණවත් සිසුන් සංඛ්‍යාවක් නොමැතිවීම මෙම පාසල් වසා දැමීමට ප්‍රධාන හේතුව බව අධ්‍යාපන බලධාරීන් උපුටා දක්වමින් එරට මාධ්‍ය වාර්තා කරයි.
අදාළ පාසල්වල ප්‍රමාණවත් පහසුකම් නොතිබීම නිසා සිසුන් වෙනත් පාසල් සොයායාම මෙන්ම අධ්‍යාපනයට යොමු වන දරුවන් සංඛ්‍යාව අඩුවීම ද මෙම තත්වයට බලපා ඇති බව පැවසේ.
අදාළ මාධ්‍ය වාර්තාවලට අනුව මෙම පාසල් අතරින් බහුතරයක සිසුන් නොමැතිවුවත් ගුරුවරුන් සේවයේ යෙදී සිටින බවත් ඔවුන් කිසිදු සේවයක් සිදු නොකර රජය මගින් වැටුප් ලබන බවත් පැවසේ.
