සාදයකට සහභාගී වී එමින් සිටි ප්‍රසිද්ධ රංගන ශිල්පීයකු ඇතුළු සිව්දෙනෙකු ගමන්ගත් සුඛෝපභෝගී මෝටර් රථයක් යතුරු පැදියක ගැටී කාන්තාවක් බරපතළ තුවාල ලබා රෝහල් ගතකර ඇතැයි කළුතර උතුර පොලීසිය පවසනවා.
ඊයේ (04) පස්වරුවේ සිදුවූ අනතුරින් රෝහල් ගතකර ඇත්තේ කළුතර උතුර, දෙදියවල ප්‍රදේශයේ පදිංචි ජාත්‍යන්තර පාසලක ඉංග්‍රීසි ගුරුවරියක් බව‍යි පොලිසිය පවසන්නේ.
අදාල ප්‍රසිද්ධ රංගන ශිල්පියා තවත් මිතුරන් සිව්දෙනෙකු සමග සාදයකට සහභාගි වී මෝටර් රථයෙන් කළුතර දෙස සිට වාද්දුව දෙසට එමින් සිටියදී, මාර්ගයේ දකුණු පසට හැරවීමට සංඥා දල්වමින් තිබූ යතුරුපැදියක ගැටීම හේතුවෙන් ගුරුවරිය මීටර් දහයක් පමණ ඈතට විසිවී ඇතැයි පැවසෙනවා.
රියදුරු අත්අඩංගුවට ගෙන ඇති අතර, එහිදී ඔහු මත්පැන් පානය කර ඇති බවට තහවුරුව ඇති බවත් පොලිසිය ප්‍රකාශ කර සිටිනවා.
බීමත්ව සිටී පිරිස සමග ප්‍රදේශවාසීන් උණුසුම් වචන හුවමාරුවක් සිදුව ඇතිව ඇති බවත්, එය පසුව පහරදීමක් දක්වා වර්ධනය වී ඇති බවත් පැවසෙන අතර උණුසුම් වචන පාවිච්චි කළ අදාල ප්‍රවීන රංගන ශිල්පීයා බරපතල ලෙස ප්‍රදේශවාසීන්ගේ පහරකෑමට ලක්ව ඇතැයිද පැවසේ.
