සාමාන්‍ය තත්ත්වයට පත්ව තිබූ ගෑස් සැපයුම අඩාලවී යළිත් දිවයින පුරා ගෑස් හිඟයක් වාර්තා වනවා.
ගෑස් අලෙවි නියෝජිතයන් සදහන් කරන්නේ තමන්ට අලෙවි කිරීම සඳහා ගෑස් නොලැබෙන බවයි.
මේ වන විට ආදාහනාගාර, කර්මාන්තශාලා සහ මහා පරිමාණ හෝටල් සඳහා ද ගෑස් සිලින්ඩර නිකුත් කිරීම නතර කර තිබෙන බවයි වාර්තා වන්නේ.
ලිට්‍රෝ සමාගමද සිය ගෑස් සැපයුම නවතා දමා ඇති බව එහි අභ්‍යන්තර ආරංචි මාර්ග සදහන් කරනවා.
ඩොලර් අර්බුදය හමුවේ මෙරට වාණිජ බැංකු ණයවර ලිපි නිකුත් නොකිරීම හේතුවෙන් ගෑස් රැගත් නෞකා 3ක් දින 6ක සිට මෙරට මුහුදේ නැංගුරම් ලා තිබෙනවා.
මෙම ගෑස් හිඟය හේතුවෙන් ආපන ශාලා, බේකරි, හෝටල් මෙන්ම ආදාහනාගාරද දැඩි අපහසුතාවයකට පත්ව තිබෙනවා.
