මුදල් අමාත්‍ය බැසිල් රාජපක්ෂ මහතා හා ජාත්‍යන්තර මූල්‍ය අරමුදලේ ආසියා සහ පැසිෆික් දෙපාර්තමේන්තුවේ අධ්‍යක්ෂ චැන්ග්යොන්ග් රී ම්‍හතා අතර අද (14) සාකච්ඡාවක් පවත්වා තිබෙනවා.
රොයිටර්ස් පුවත් සේවය වාර්තා කරන්නේ මෙම සාකච්ඡාව සඳහා මහා භාණ්ඩාගාරයේ ලේකම් එස්.ආර් ආටිගල මහතා සහ
මුදල් අමත්‍යංශයේ නිලධාරීන් දෙදෙනෙකු සහභාගීවී ඇති බවයි.
වේගයෙන් පහත වැටෙන මෙරට සංචිත ප්‍රමාණය, මුදලේ අගය පහතවැටීම සහ ඉහළ යන උද්ධමනය පිළිබදව මෙම හමුවේදී සාකච්ඡා පවත්වා තිබෙනවා.
ජාත්‍යාන්තර මූල්‍ය අරමුදලත් සමඟ මෙරට ඩොලර් සංචිත ඉහළ නැංවීමට සහ සංචිත වර්ධනය කරගැනීම තිරසාර මාවතකට ගෙන යා හැකි වැඩසටහනක් පිළිබඳව සාකච්ඡා ඇරඹීම එළැඹෙන අප්‍රේල් මාසයේ පටන් කටයුතු කිරීමට මෙරට රජය බලාපොරොත්තු වන බව රොයිටර්ස් පුවත් සේවය වාර්තා කරනවා.
එමෙන්ම අද පැවති සාකච්ඡාවේදී පසුගිය පෙබරවාරි මසදී ජාත්‍යාන්තර මූල්‍ය අරමුදලේ අධ්‍යක්ෂක මණ්ඩලයට ඉදිරිපත් කරන ලද මෙරට ආර්ථික තත්ත්වය පිළිබදව සිදුකරන ලද තක්සේරුව සම්බන්ධයෙන්ද අවධානය යොමුකර තිබෙනවා.
චැන්ග්යොන්ග් රී ම්‍හතා හෙට (15) දිනයේ ජනාධිපති ගෝඨාභය රාජපක්ෂ මහතාද හමුවීමට නියමිතයි.
