මහනුවර – යටිනුවර වීදියේ ඉන්ධන පිරවුම්හළක පෝලිමේ සිටි පුද්ගලයකු අද සවස පෝලිමේ සිටියදීම ජීවිතක්ෂයට පත්ව තිබෙනවා.
මහනුවර මූලස්ථාන පොලීසිය පවසන්නේ මෙලෙස මියගොස් ඇත්තේ 71 හැවිරිදි උඩතලවින්න ප්‍රදේශයේ පදිංචි මොහොමඩ් ඉල්ලියාස් නම් පුද්ගලයෙකු බවයි.
අද පෙරවරු 7 පමණ සිට සවස 4 පමණ දක්වා පැය ගණනාවක් මහනුවර යටිනුවර වීදියේ කච්චේරිය ආසන්නයේ පිහිටි පිරවුම්හලේ භූමිතෙල් මිලදී ගැනීම සඳහා මෙම පුද්ගලයා පෝලිමේ රැදි සිට තිබෙනවා.
පසුව හදිසියේ ඔහු අසනීප වී ඇදවැටීමෙන් අනතුරුව සුවසැරිය ගිලන්රථයක් ආධාරයෙන් මහනුවර ශික්ෂණ රෝහල වෙත රැගෙන යන අතරතු ඔහු ජිවිතක්ෂයට පත්ව ඇති බවයි වාර්තා වන්නේ.
