ජනතා විමුක්ති පෙරමුණ ප්රමුඛ ජාතික ජන බලවේගය විසින් අද (23) පස්වරු 03.00 ට නුගේගොඩ නගර මධ්යයේදී දැවැන්ත විරෝධතා රැළියක් පැවැත්වීමට නියමිතව තිබෙනවා.
එහි නායක අනුර කුමාර දිසානායක මහතාගේ ප්රධානත්වයෙන් මෙම රැළිය පැවැත්වීමට නියමිතව ඇති අතර ඔවුන් දෙල්කඳ සිට නුගේගොඩ දක්වා විරෝධතා පා ගමනකින් පැමිණීමට ද නියමිත බවයි පැවසෙන්නේ.
රුපියලේ කඩවැටීම හේතුවෙන් ඇතිවූ අර්බුද හරහා ජනතාව විඳින පීඩා දෙගුණ තෙගුණ වී ඇති බැවින් සහ ජනතාවට අත්යවශ්ය භාණ්ඩ හා සේවා ප්රමාණවත් පරිදි සාධාරණ මිලකට ලබාදීමට පාලකයන් අසමත් වී ඇති බැවින් දැඩිලෙස ජනතාව පීඩාවට පත් කරන වත්මන් පාලකයන් පළවා හැර ජනතාවාදී පාලනයක් ඇති කිරීමට නායකත්වය ලබාදීමේ අරමුණින් මෙම විරෝධතාවය පැවැත්වෙන බව ජාතික ජන බලවේගය පවසනවා.