ඉදිරි සති දෙකක කාලය තුල සමගි ජන බලවේගයේ පාර්ලිමේන්තු මන්ත්‍රීවරුන් 10ක් පමණ රනිල් වික්‍රමසිංහ මහතා සමග එක්වන බව කෘෂිකර්ම අමාත්‍ය මහින්දානන්ද අලුත්ගමගේ මහතා පවසනවා.
ඒ අද (24) දින පාර්ලිමේන්තුව අමතමින්.
“හ,ර,එ,ස” යන අකුරු වලින් නම් පටන් ගන්නා මන්ත්‍රීවරුන් එලෙස එක්වන මන්ත්‍රීවරුන් අතර වන බවයි කෘෂිකර්ම අමාත්‍යවරයා පවසන්නේ.
මෙහිදී වැඩිදුරටත් අදහස් දැක්වූ මහින්දානන්ද අලුත්ගමගේ මහතා,
“තවත් මාස දෙක තුනක් යනකොට බලාගන්න පුලුවන් සජිත් ප්‍රේමදාස විපක්ෂනායක තුමාගේ කී දෙනෙක් ගැලවිලා රනිල් වික්‍රමසිංහ මහතා ලඟ හිටගන්නවාද කියලා. කැට තියලා කියනවා තව සුමාන දෙකයි. එන අයගේ නම් ටික කියන්නද? 08 දෙනෙක් එනවා. දැනට 10ක් කතා කරලා තිබෙනවා.
මම අර කිව්වානේ 10ක් ගැන. හ යන්නෙන් එක්කෙනයි, එ යන්නෙන් එක්කෙනයි, ර යන්නෙන් එක්කෙනයි, ස යන්නෙන් එක්කෙනයි. ඔයාලගේ ඒ නම් ටික බලාගන්න. ඒ මුල් අකුරු 4ම කිව්වම.”
