සෝමාවතිය ජාතික වනෝද්‍යානයට නීතිවිරෝධී ලෙස ගවයන් ඇතුළු කිරීම ඇතුළු එහි සිදුකරන නීතිවිරෝධී ක්‍රියාවලට එරෙහිව විෂය භාර රාජ්‍ය ඇමැති විමලවීර දිසානායකට කරුණු පැහැදිලි කළ වන සත්ත්ව අඩවි ආරක්ෂක නිලධාරි ඩබ්ලිව්.කේ. වාසල මහතාගේ වැඩ තහනම් කරන ලෙස රාජ්‍ය අමාත්‍යංශයේ ලේකම් ඩබ්ලිව්.පී.පී.ප්‍රනාන්දු විසින් වනජීවී අධ්‍යක්ෂ ජනරාල් චන්දන සූරියබණ්ඩාරට උපදෙස් දී තිබේ.
ඇමැතිවරයකු ඉදිරියේ අවිනීතව හැසිරීම හේතුවෙන් මෙසේ අදාළ නිලධාරියාගේ වැඩ තහනම් කරන ලෙස ලේකම්වරයා විසින් උපදෙස් දී ඇත්තේ දෙසැම්බර් 22 වන දිනය.
මෙහිදී අධ්‍යක්ෂ ජනරාල්වරයා විසින් ලේකම්වරයාට කරුණු පැහැදිලි කරමින් පවසා ඇත්තේ පරීක්ෂණයක් පැවැත්වීමෙන් තොරව, එසේ නිලධාරියකුගේ වැඩ තහනම් කළ නොහැකි බවයි.
එහිදී ආවේගයෙන් හැසිරී ඇති ලේකම්වරයා, කුමන හෝ ආකාරයකට මෙය වහාම සිදුවිය යුතු යැයි අවධාරණය කර ඇත.
