විශ්වාසභංගයට ජනතා විමුක්ති පෙරමුණේ සහාය ලබාදෙන බව එම පක්ෂයේ පාර්ලිමේන්තු මන්ත්‍රී විජිත හේරත් පවසනවා.
එමෙන්ම, අන්තර්කාලීන පාලනයක් ඇති කිරීම සඳහා ද තම පක්ෂය එකඟ වන බව එම පක්ෂයේ නායක අනුර කුමාර දිසානායක පවසනවා.
කරුණු 4ක් යටතේ ඊට එක්කඟ වන බවයි රට තුළ පවතින අර්බුදය සම්බන්ධයෙන් විසඳුම් යෝජනාවලියක් ඉදිරිපත් කරමින් අනුර කුමාර දිසානායක පවසන්නේ.
“ජාතික ජන බලවේගය ලෙස මෙම අර්බුදයෙන් ගොඩඒම සඳහා නිශ්චිත සැලැස්මක් අපි ඉදිරිපත් කරනවා.
පළමු එක ජනාධිපතිවරයා මෙම ධූරයෙන් ඉවත්වීම.
දෙවැනි එක මෙම පාලනය ඉවත්වීම.
තුන්වැනි එක ජනතාවට අලුතෙන් අවස්ථාවක් ලබාදීම.
සිව්වැනි එක ජනතාවට සහාන ලබාදීම.
ඒ සඳහා අවශ්‍ය වන අන්තර්කාලීන පාලනයක් ගොඩනගන්න. ඒ පාලනයේ සංයුතිය, හැඩරුව අපි ඕන තරම් සාකච්ඡා කරන්න සූදානම්. ඒ පිළිබඳව අපිට අපේ අදහස් තිබෙනවා. ඒ නිසා එවැනි අන්තර්කාලීන අවස්ථාවක් ගොඩනැගීම සඳහා අපි පක්ෂපාතී. එය කළ යුතුයි.
තව තවත් මේ ආණ්ඩුවට එරෙහිව තිබෙන උද්ඝෝෂණ දැඩි කළ යුතුයි. ඒවා කිසිසේත්ම නතර කළ යුතු නෑ. උද්ඝෝෂණවලට අපි උපරිම සහයෝගය ලබාදෙනවා.”
