ලොම් සඳහා මුගටින් ඇති කිරීම ඩෙන්මාර්ක් ගොවීන්ගේ ප්‍රධාන අදායම් මාර්ගයක්. COVID 19 වයිරසය මුගටින්ට බෝවී වෛරසය Mutate වී තිබීම නිසා පසුගිය නොවැම්බර් මාසයේදී ඩෙන්මාර්ක් මුගටි ගොවිපලවල්වල මිලියන 4 ක් පමණ මුගටින් මරා වළලනු ලැබුවා.
ඩෙන්මාර්කයේ මෙසේ ඇතිකරන මුගටින් මිලියන 15ක් පමණ ගොවිපලවල්වල සිටිනවා. ඔවුන් මේ සියළු මුගටින්ව මරා වැළලීමට තීරණය කළා.විශාල සතුන් ප්‍රමාණයක් ඉතාම කෙටි කාලයක් තුල මරා වැළලීම නිසා සමහර ස්ථාන වලින් එම මළ සිරුරු පොළොව මතුපිටට මතුවීම නිසා එය විසින් බරපතල සමාජ ප්‍රශ්නයක් ඇතිකළා. මේ නිසා ඩෙන්මාර්ක් රජය ලබන වසරේ මැයි මාසයේදී එම සතුන්ගේ දිරාගිය ඇටකටු සහිත මළ සිරුරු නැවත ගොඩගෙන විනාශ කිරීමට (Incinerate) තීරණය කර තිබෙනවා.
එමගින් වෛරසය භූගත ජලයට එකතුවීම පිලිබඳ කිසිම සාකච්ඡාවක් ඩෙන්මාර්කයේ මතුවී නැහැ.අපේ රටේ සමහර මහාචාර්ය වරුන් එම පුවත තමන්ගේ ‘COVID 19 වෛරසය ආසාදනය වී මිය යන පුද්ගලයන්ගේ මළ සිරුරු භූමදානය මගින් වෛරසය භූගත ජලයට එක්වීමේ හැකියාව ඇතැයි’ කියන වැරදි මතය නැවතත් සාකච්ඡාවට ගෙන ඒමට යොදාගත්තා.
සබැදී පුවත්
