ලොව ධනවත්ම ව්‍යාපාරිකයෙකු වන ඊලෝන් මස්ක් විසින් ලොව ප්‍රමුඛතම සමාජ මාධ්‍ය ජාලයක් වන Tiwtter සමාගම මිලදීගෙන තිබෙනවා.
එම සමාගම මිලදී ගන්නේ ලාභ අපේක්ෂාවකින් තොරව බව එම මිලදී ගැනීමට පෙර සම්මන්ත්‍රණයක් අමතමින් ඔහු පැවසූ අතර අදාල සමාගම මිලදී ගැනීම සම්බන්ධ නිවේදනයේ ඔහු පවසා සිටියේ ට්විටර් සමාජ මාධ්‍යජාලයේ ඇති භාෂණයේ නිදහස සහ තාක්ෂණික දියුණුව කෙරෙහි තමා ආකර්ශනය වූ බවයි.
ඊලෝන් මස්ක් සතුව ඒ වන විටත් Tiwtter සමාගමේ කොටස් පැවති අතර ඉතිරි කොටස් සඳහා ඔහු විසින් ලබාදී තිබූ ලංසුව ඩොලර් බිලියන 44 ක් බවයි විදෙස් මාධ්‍ය වාර්තා කරන්නේ.
ඒ අනුව මෙහි සකච්ඡා පවත්වා අවසානයේ Twitter සමාගම ඊලෝන් මස්ක් වෙත අලෙවි කිරීමට එම සමාගමේ අධ්‍යක්ෂ මණ්ඩලය තීරණය කර තිබෙනවා.
තාක්ෂණ ක්ෂේත්‍රයේ විවිධ පුවත් මවන මස්ක්ගේ මෙම පියවර ද ලෝකය පුරා කතාබහට ලක්ව තිබෙනවා.
