ආණ්ඩුවේ ස්වාධීන වූ පක්ෂ 11ක නායකයින් අද (29) උදෑසන ජනපතිවරයා සමග සාකච්ඡාවක් පැවැත්වීය.
එම සාකච්ඡාවේදී තමන් විසින් ඉදිරිපත්කර තිබූ යෝජනාවලට ජනපතිවරයා එකඟවූ බව එම සාකච්ඡාවට සහභාගීවූ පාර්ලිමේන්තු මන්ත්‍රී වාසුදේව නානායක්කාර මහතා පැවසීය.
“අන්තර්කාලීන පාලන ක්‍රමයක් සහිත සර්ව පාක්ෂික ආණ්ඩුවක් හැනෙන්නේ වැඩිම අවුරුද්දකට. ඒ අනුව සර්ව පාක්ෂික ආණ්ඩුවක් හදන්න අපි සියලු වගකීම් භාර ගත්තා. අගමැතිවරයාගේ ඉවත්වීම ගැන කතා කළේ නැහැ. සර්ව පාක්ෂික එකතුව හදාගැනීම ගැන තමයි කතා කළේ. දැන් අනෙකුත් සියලු පක්ෂත් එක්ක සාකච්ඡා කරන්න තියෙන්නේ. ඔවුන්වත් එකතු කරන්න හැම උත්සාහයක්ම දරනවා.
ජනාධිපතිතුමා කිව්වා එතුමාගෙන් කෙරෙන්න ඕන ටික එතුමා කරන්නම්. අවශ්‍ය නම් එක්කරගෙන එන්න එතුමාත් කතා කරන්නම් කියලා. දැන් මෙතන කණ්ඩායම් 3ක් තියෙනවා. ජනාධිපති සහ එතුමාගේ කණ්ඩායම, අගමැති සහ එතුමාගේ කණ්ඩායම, අපි කණ්ඩායම.
අපේ සාකච්ඡාවෙන් පසු ජනාධිපතිතුමා අගමැතිතුමා ඇතුළු පිරිස හමුවෙයි. ජනාධිපතිතුමා කිව්වා ඇමතිධූර ලබාගත් දෙන්නාගේ තිබුණු හිතේ අමාරුව ගැන. ඒ දෙන්නා ගැන යළිත් වෙන තීරණයක් ගන්න බෑ කියලත් කිව්වා.”
