වර්ජනය මධ්‍යයේ වුවද ඉන්ධන බෙදා හැරීම් කටයුතු සිදුවන බව බලශක්ති සහ විදුලිබල අමාත්‍ය, කංචන විජේසේකර පවසනවා.
ඒ වෙනුවෙන් ශ්‍රී ලංකා ඛනිජ තෙල් තොග ගබඩා පර්යන්තයේ සහ ඩිපෝවල මෙහෙයුම් සිදුවෙමින් පවතින බවයි සිය ට්විටර් ගිණුමේ සටහනක් තබමින් අමාත්‍යවරයා පවසන්නේ.
මේ අතර දුම්රිය, රජය සතු බවුසර් සහ කූලි පදනම මත
ලබාගත් පෞද්ගලික ඉන්ධන බවුසර් රථ යොදා ගනිමින්
එම කටයුතු ආරම්භ කර ඇති බවත් අමාත්‍යවරයා සඳහන් කරනවා.
එමෙන්ම, වර්ජනයේ යෙදී සිටින ඇතැම් පෞද්ගලික කුලී
බවුසර් සාමාජිකයින් බෙදාහැරීම් ආරම්භ කර ඇති
ටැංකිවලට බාධා කරන බවට හඳුනාගෙන ඇති බව ද
කංචන විජේසේකර අමාත්‍යවරයා තැබු සටහනේ සඳහන් වනවා.
මේ අතර, තම වෘත්තීය සමිති ක්‍රියාමාර්ගය අඛණ්ඩව සිදුකරන බව ලංකා ඛනිජ තෙල් පෞද්ගලික ටැංකි හිමියන්ගේ සංගමය පවසනවා.
පෙරේදා මධ්‍යම රාත්‍රීයේ සිට එම සංගමය මෙම වෘත්තීය
සමිති ක්‍රියාමාර්ගය ආරම්භ කළ අතර ඔවුන් පවසන්නේ
ඉල්ලීම් ලැබෙන තුරු එම වර්ජනය අඛණ්ඩව ක්‍රියාත්මක
කරන බවයි.
වර්ජනය හේතුවෙන් ඉන්ධන බෙදාහැරීමේ කටයුතුවලටද
ඊයේ දිනයේ දැඩි බාධා එල්ල වී තිබුණි.
මේ අතර, ලංකා ඛනිජ තෙල් පෞද්ගලික ටැංකි
හිමියන්ගේ සංගමයට සහාය දක්වමින් ලංකා ඉන්දියන්
ඔයිල් පෞද්ගලික බවුසර් හිමියන්ගේ සංගමය ද ඉන්ධන
බෙදාහැරීමේ කටයුතුවලින් ඉවත් වී තිබේ.
