ජනාධිපතිවරයාට හා ආණ්ඩුවට විරෝධය පලකරමින් පාර්ලිමේන්තු පිවිසුම් මාර්ගය අසළ විරෝධතාවයේ නිරත පිරිසක් පොලීසිය විසින් පැහැරගෙන යන ආකාරයෙන් අත්අඩංගුවට ගෙන තිබෙනවා.
විරෝධතාකරුවන් අත්අඩංගුවට ගන්නේ ඇයි දැයි පැහැදිලි නොකරන පොලීසිය හිටිහැටියෙ එම පිරිස බලහත්කාරයෙන් ඇදගෙන ගොස් පොලිස් බස් රථයක දමාගෙන රැගෙන ගියා.
පොලිස් මාධ්‍ය ප්‍රකාශක නිහාල් තල්දූව මහතා පවසන්නේ මේ වන විට පාර්ලිමේන්තු පිවිසුම් මාර්ගයේ විරෝධතාවය දැක්වූ පුද්ගලයින් 13 දෙනෙක් අත්අඩංගුවට ගෙන ඇති බවයි.
ඔවුන් මේ වන විට මහරගම පොලිස් ස්ථානයේ රදවාගෙන සිටිනවා.
පොලිස් මාධ්‍ය ප්‍රකාශකවරයා සදහන් කරන්නේ පාර්ලිමේන්තු පිවිසුම් මාර්ගය අවහිර කිරිම, පාර්ලිමේන්තු අසළින් ගමන් කරන වාහනවලට අතින් පයින් පහර දී වාහන අවහිර කිරිම යන චෝදනා සඳහා මෙම විරෝධතාකරුවන් පිරිස අත්අඩංගුවට ගත් බවයි.
https://fb.watch/cNXlvDsRKQ/
