රියැලිටි ගායන තරගාවලියක හයවැනි ස්ථානය දිනාගත් පුද්ගලයෙකු දෙසැම්බර් 27 වැනිදා කේරළ ගංජා තොගයක් සමඟ අත්අඩංගුවට පත් කර ඇතැයි දෙල්ගොඩ ප්‍රාදේශීය වාර්තාකරු ඩබ්ලිව්.ඩී. විතාන වාර්තා කර ඇත.
එම ගායකයා බියගම ප්‍රදේශයේම පදිංචි 29 හැවිරිදි පුද්ගලයෙකු බව වාර්තාවේ සඳහන්ය. බණ්ඩාරවත්ත හන්දියට ගංජා අලෙවි කිරීම සඳහා එන අතරතුර ඔහු හසු වී තිබේ. ගංජා ග්‍රෑම් එකක පැකට් එකක් රුපියල් 400කට අලෙවි කර ඇත. ඔහු අත පැකට් 20ක් තිබී ඇත.
සුපිරි තරු තෝරන රියැලිටි තරගවලට ඉදිරිපත් වෙන පුද්ගලයන් එම තරග අතරතුර රටේ දැවැන්තම තරු ලෙස ඉස්මතු කර පෙන්වයි. එහෙත්, එම තරගවලින් පසු බොහෝ පිරිසකගේ ජීවිත සාමාන්‍ය තත්වයට පත්වෙයි. ඇතැම් ගායන ශිල්පීන්ට සජීවී ප්‍රසංගවල ගැයීමට අවස්ථා ලැබේ. එහෙත්, කොවිඩ්-19 තත්වය නිසා එම අවස්ථාද සීමා වී තිබේ.
එවැනි පුද්ගලයන්ට නැවත සාමාන්‍ය රැකියාවලට යොමුවීම අසීරු වන අතර ඇතැම් පුද්ගලයන් තරගයේ ජයග්‍රහණය වෙනුවෙන් තමන් ඉතිරිකරගත් මුදල් පවා නාස්ති කරගනී.
