එළඹෙන පොසොන් පොහෝ දින හන්තානේ සඳගිරි මහ සෑයට පැළඳවීමට නියමිත දෙරණ මාධ්‍ය ජාලය මගින් පූජා කළ බව පැවසෙන චූඩා මාණික්‍යය ප්‍රථම වරට වැඩම කර ප්‍රදර්ශනය කිරීමක් අද සිදු කෙරුණ.
ඒ,දෙරණ ප්‍රධාන කාර්යාල පරිශ්‍රයේදීයි.
ඒ අනුව හෙට දින මෙම චූඩා මාණික්‍යය කැලණිය රජමහා විහාරයට වැඩම කර එහිදී ආශිර්වාද ලබාගැනීමෙන් අනතුරුව හන්තානේ සඳගිරි මහ සෑ පූජා භූමියට වැඩම කරවීමට නියමිතයි.
අනතුරුව එළඹෙන බදාදා සිට පොසොන් පොහෝ දින දක්වා මෙම චුඩා මාණික්‍යය හන්තානේ සඳගිරි මහ සෑයේ සැදැහැතුන් වෙනුවෙන් ප්‍රදර්ශනය කරන බව දෙරණ මාධ්‍ය ජාලය නිවේදනය කරනවා.
පසුගිය ජනාධිපතිවරණයට පෙරද දෙරණ මාධ්‍ය ජාලය මෙවැනිම ආගමික ප්‍රදර්ශනයක් කැලණි විහාරය හා එක්ව සිදුකළා.
එහිදී කැලනි විහාරයේ විහාරාධිපති කොල්ලුපිටිය මහින්ද සංඝරක්ඛිත හිමියන් විසින් කැලනි විහාරයට නාග ලෝකයෙන් ධාතු වැඩම්මවූ බවත් උන්වහන්සේට විශාල ශබ්දයක් ඇසුන පසු උදාර නම් පුද්ගලයෙක් කැලණි ගඟ පතුළට ගොස් කරඩුවක් සහිතව ගොඩට ආ බව දෙරණ මාධ්‍ය ජාලය විකාශය කළා.
