තරඟ සංචාරයක් සදහා දිවයිනට පැමිණ සිටින එංගලන්ත ක්‍රිකට් කණ්ඩායමේ තුන් ඉරියව් ක්‍රීඩක මොයින් අලී හට කොවිඩ් 19 වෛරසය ආසාදනය වී ඇති බවට එංගලන්ත – වේල්ස ක්‍රිකට් මණ්ඩලය පවසනවා.
පසුගිය ඉරිදා ඔවුන් දිවයිනට පැමිණීමෙන් පසුව සිදුකරන ලද PCR පරීක්ෂණයේ ප්‍රතිපල අනුව ඔහු කොවිඩ් 19 ආසාදිතයෙකු බවට හදුනාගෙන තිබෙනවා.
එංගලන්ත ක්‍රිකට් පාලක මණ්ඩලය පවසන්නේ නිරෝධායනය පිළිබදව ශ්‍රී ලංකා රජයේ මාර්ගෝපදේශයන්ට අනුව මොයින් අලී දින 10 ක කාලයක් ස්වයං හුදකලාව සිට වැඩිදුර පරීක්ෂණ සදහා යොමුවිය යුතු බවයි.
එමෙන්ම අලීගේ සමීප ආශ්‍රිතයෙකු ලෙස එංගලන්ත කණ්ඩායෙමේ ක්‍රිස් වෝක්ස් හදුනාගෙන ඇති අතර ඔහුද ස්වයං නිරෝධායනයට යොමුකර තිබෙනවා.
හෙට (05) දිනයේ එංගලන්ත කණ්ඩායම දෙවන වතාවටත් PCR පරීක්ෂණ සදහා යොමු කිරීමට නියමිතයි.
වැඩිදුර කියවන්න
