නැගෙනහිර ලිබියාවේ ටොබ්‍රක්හි පාර්ලිමේන්තු ගොඩනැගිල්ලට කඩා වැදුණු විරෝධතාකරුවන් එය ගිනි තබා විනාශ කර තිබෙනවා.
දිනෙන් දින පිරිහෙන ආර්ථියක හේතුවෙන් දැඩි ලෙස ජීවන වියදම ඉහළ යෑම නිසා මෙම විරෝධතා ආරම්භ කෙරුණා.
විරෝධතාකරුවන් පාර්ලිමෙන්තුවට ගල් ගසා එයට දැඩි අලාභ හානි සිදුකිරීමෙන් අනතුරුව එයට ගිනි තබා දැඩි විනාශයක් සිදුකර තිබෙනවා.
අවට මාර්ගවල මෙන්ම පාර්ලිමෙන්තු පරිශ්‍රය තුළද ටයර් පුළුස්සා දමා පවතින ආණ්ඩුවට විරෝධය පලකළ විරෝධතාකරුවන් බුල්ඩෝසර්ද යොදාගනිමින් එහි ප්‍රධාන ගේට්ටුවද කඩා බිද දැමූ බව විදෙස් මාධ්‍ය වාර්තා කරනවා.
ලිබියාවේ නගර රැසක විරෝධතා පෙළපාලි පසුගිය දින කිහිපයේම පැවති අතර ට්‍රිපොලි අගනුවරට එක්රැස්වූ දහස් ගණන් ජනතාව සන්නද්ධ මිලිටරි මර්දනයට විරෝධය දැක්වූවා.
විරෝධතාකරුවන් පැවසුවේ අඛණ්ඩ විදුලි සැපයුම ලබාදෙන ලෙසත් පාන් ගෙඩියක මිල අඩුකරන ලෙසත්ය.
