ප්‍රවීන රංගන ශිල්පී ජැක්සන් ඇන්තනී ඇතුළු තිදෙනකු ගමන්ගත් මෝටර් රථය වල් අලියකුගේ ගැටීමෙන් අනතුරට ලක්ව තිබෙනවා
ඒ, අනුරාධපුර – තලාව මාර්ගයේ මොරගොඩ ප්‍රදේශයේදීයි.
අනතුරට පත් ජැක්සන් ඇන්තනී ඇතුළු පිරිස තුවාල ලබා අනුරාධපුර රෝහලට ඇතුළත් කර ඇති බවයි තලාව පොලිසිය පවසන්නේ.
අනතුරට ලක්වූ අලියා කැබ් රථය උඩට ඇද වැටීමෙන් වාහනයට ද දැඩි හානි සිදුව ඇති බවයි පැවසෙන්නේ.
මෙම සිද්ධියෙන් තුවාල ලබා ඇත්තේ ප්‍රවීන රංගන ශිල්පියකු වන ජැක්සන් ඇන්තනි මහතා සමඟ ගමන්ගත් සමන් ඇන්තනී හා ඉරේෂ් යන අයයි. මොරගොඩ ප්‍රදේශවාසීන් හා තලාව පොලිසියේ නිලධාරීන්ගේ එකතුවෙන් මෙම තුවාලකරුවන් තිදෙනා අනුරාධපුර ශික්ෂණ රෝහලට ඇතුළත් කර තිබෙනවා.
