ජනාධිපති ගෝඨාභය රාජපක්ෂ මහතා අමෙරිකානු වීසා සඳහා මෑතකදී කළ ඉල්ලීම අමෙරිකාව ප්‍රතික්ෂේප කර ඇතැයි ‘ද හින්දු’ පුවත්පත අනාවරණය කරනවා.
පසුගිය සති කිහිපයක සිට ඔහු කෙරෙහි වූ දැඩි ජනතා විරෝධය හේතුවෙන් මෙරටින් ඇමරිකාව වෙත පලායෑමට ඔහු උත්සහ කළද එය ව්‍යර්ථ වූ බව මෙරට නිලධාරියෙක් උපුටා දක්වමින් හින්දු පුවත්පත මෙය වාර්තා කර තිබෙනවා.
කෙසේ වෙතත් මේ සම්බන්ධයෙන් කොළඹ ඇමරිකානු තානාපති කාර්යාලයෙන් විමසූ නමුත් ඊට තවමත් ප්‍රතිචාරයක් නොලැබුණු බවයි ද හින්දු පුවත්පත වාර්තා කරන්නේ.
මීට පෙර ශ්‍රී ලංකාවේ සහ එක්සත් ජනපදයේ ද්විත්ව පුරවැසියෙකු වූ ගෝඨාභය රාජපක්ෂ, 2019 මැතිවරණයට පෙර ඔහුගේ ඇමරිකානු පුරවැසිභාවය අත්හරිනු ලැබූවා.
ඒ ශ්‍රී ලාංකිකයෙකු නොවන පුද්ගලයෙකු හට ජනාධිපති ධූරයට තරඟ කිරීමට නොහැකි බවට ව්‍යවස්ථාවේ සදහන්ව ඇති බැවින්.
