ජනාධිපති ලේකම් කාර්යාලය අසල ගාලු මුවදොරදී විරෝධතාකරුවන්ට පහරදීමක් සම්බන්ධයෙන් නීතිඥවරුන් කිහිප දෙනෙකු තමන්ව දැනුවත් කළ බව ශ්‍රී ලංකා නීතිඥ සංගමයේ සභාපති ජනාධිපති නීතිඥ සාලිය පීරිස් මහතා පවසනවා.
ඔහු සදහන් කරන්නේ නීතිඥ නුවන් බෝපගේ ඇතුලු කිහිප දෙනෙක්ද මේ වන විට අත්අඩංගුවට ගෙන ඇති බවයි.
ආරක්ෂක අංශ මෙම සියලු දෙනාගේම ආරක්ෂාව තහවුරු කළ යුතු අතර අත්අඩංගුවට ගත් පුද්ගලයින් සිටින ස්ථානයද දැනුවත් කළ යුතු බවද නිවේදනයේ සදහන්.
තමන් පොලිස්පතිවරයා සම්බන්ධ කරගැනීමට උත්සහ කළ බවත් යුද හමුදාපතිවරයාට පණිවුඩයක් යවා මේ පිළිබදව දැනුවත් කළ බවත් ඔහු සදහන් කරනවා.
බලහත්කාරය යොදා ක්‍රියාකිරීම තුළින් මෙරට පිළිබදව ජාත්‍යාන්තරය තුළ ඇති ප්‍රතිරූපය වර්ධනය නොවන බවට සාලිය පීරිස් මහතා නිවේදනය මගින් සිහිපත් කරනවා.
