ජනාධිපති රනිල් වික්‍රමසිංහ මහතාගේ පෞද්ගලික නිවසට හා නිල රථයට හානි සිදුකිරීමේ සිද්ධියට සම්බන්ධ ඡායාරූප හෝ වීඩියෝ දර්ශන ඇති නම් ඒවා තමන් වෙත ලබාදෙන්නැයි අපරාධ පරීක්ෂණ දෙපාර්තමේන්තුව මහජනතාවගෙන් ඉල්ලා සිටිනවා.
පසුගිය 09 වනදා සිදුවූ කලහකාරී සිදුවීම් අතරතුර වත්මන් ජනාධිපති, එවක අගමැති රනිල් වික්‍රමසිංහ මහතාගේ පෞද්ගලික නිවසට හා නිල රථයට ප්‍රහාර එල්ලකර දැඩි අලාභ හානි සිදු කර තිබුණා.
අපරාධ පරීක්ෂණ දෙපාර්තමේන්තුව ඉල්ලා සිටින්නේ එම සිදුවීමට අදාළ ඡායාරූප හෝ වීඩියෝ දර්ශන ඇත්නම් ඒවා 071- 8594950 යන අංකයට වට්ස්ඇප් ඔස්සේ යොමු කරන ලෙසයි.
අපරාධ පරීක්ෂණ දෙපාර්තමේන්තුව එම තොරතුරු ඉල්ලා සිටින අතරතුරදී ඊයේ රාත්‍රියේ ගාලු මුවදොර අරගලකරුවන් හට දැවැන්ත ප්‍රහාරයක් එල්ල කර ජනාධිපති ලේකම් කාර්යාලය හා ඒ අවට සිටි සියලුම පුද්ගලයින් එළවා දැමුවා.
මෙහිදී දෙස් විදෙස් මාධ්‍යවේදීන්ද ප්‍රහාරයට ලක්වූ අතර සිවිල් පුරවැසියන් රැසක්ද හමුදාවේ හා පොලීසියේ ගොදුරු බවට පත් වුණා.
