ක්‍රෙඩිට් කාඩ්පත් පොලී තවත් ඉහළට..!

ක්‍රෙඩිට් කාඩ්පත් සඳහා අය කරනු ලබන වාර්ෂික පොලී අනුපාතිකය සියයට 36ක් තෙක් වැඩි කිරීමට මෙරට වාණිජ බැංකු කිහිපයක් විසින් මේ වන විට පියවර ගෙන තිබෙනවා.

ණය කාඩ්පත් සඳහා පනවා තිබූ උපරිම පොලී අනුපාතික සීමා ඉවත් කිරීමට ශ්‍රී ලංකා මහ බැංකුවේ මුදල් මණ්ඩලය පසුගිය අප්‍රේල් 08 දින තීරණය කරනු ලැබීය.

එම තීරණයෙන් පසු එතෙක් 18% ක්ව පැවති ණය කාඩ්පත් පොලිය 24% ක් දක්වාත් ඉන්පසු ඉන් පසු 30% ක් දක්වාත් ඉහළ යන ලදී.

අද වන විට එය 36%ක් දක්වා වැඩිව තිබෙනවා.

මෙවැනි ඉහළ පොලී අනුපාතිකයක් නියම වී ඇති පසුබිමක් තුළ ක්‍රෙඩිට් කාඩ්පත් හරහා ගනුදෙනු කිරීමේ දී වඩාත් සැලකිලිමත් විය යුතු පරිසරයක් නිර්මාණය වී ඇතැයි ආර්ථික විශේෂඥයින් පවසනවා.