අරගලයට ජවිපෙ අවශ්‍ය නොමැති බවට වැරදි මතවාදයක් ඇතැමුන් විසින් පැතිරවූ අතර එවන් වැරදි මතවාදයකට කොතරම් හානියක් කළ හැකිද යන්න ගෝල්ෆේස් අරගලයෙන් පැහැදිලි වූ බව ජවිපෙ හිටපු පාර්ලිමේන්තු මන්ත්‍රී බිමල් රත්නායක පවසනවා.
ඒ, ජනතා විමුක්ති පෙරමුණ විසින් පැවැත්වූ “චේ ගුවේරා සමරුව” අමතමින්.
අරගලය අතරේ මහමැතිවරණයක් අවශ්‍ය බව ජනතා විමුක්ති පෙරමුණ ප්‍රකාශ කළත් ගෝල්ෆේස් අරගලකරුවන් එම ඉල්ලීම ඉදිරිපත් නොකිරීම නිසා අරගලය සම්පූර්ණ ජයග්‍රහණයක් කරා ගෙනයාමට නොහැකි වුණු බවත් ඔහු පවසනවා.
එවන් තත්වයක් ඇතිවූයේ ගෝල්ෆේස් අරගලය තුළ සිටි කණ්ඩායමක් රාජපක්ෂ විරෝධයටත් වඩා ජවිපෙ විරෝධය අංක එකට ගෙන තිබීම නිසා බවටයි හිටපු පාර්ලිමේන්තු මන්ත්‍රීවරයා චෝදනා කරන්නේ.
එයින් අනතුරුව මෙම අරගලයට බොළඳ, මෝඩ, නිර්දේශපාලනික සටන් පාඨ රැගෙන පැමිණි බවත් ඒවා ගෙන ආවේද දේශපාලනය කරන අයම බවත් එක් කණ්ඩායමකට වඩා එතැන සිටි නිසා තමන් ඔවුන්ගේ නම් සඳහන් නොකරන බවත් බිමල් රත්නායක පවසනවා.
ආණ්ඩුවක් යනු දැවැන්ත අත්දැකීම් සහිත යාන්ත්‍රණයක් බව පැවසූ ඔහු ඔවුන් සමග හැප්පීමට කුකුළු පැටවුන්ට බැරි බවත් අවධාරණය කර සිටියා.
