දකුණු කොරියාවේ සෝල් අගනුවර ඊයේ (29) පැවති හැලොවින් සාදයක් අතරතුර ඇතිවූ තෙරපීමකින් මේ වන විට පුද්ගලයින් 149ක් පමණ ජීවිතක්ෂයට පත්වී තිබෙන බව විදෙස් මාධ්‍ය වාර්තා කරනවා.
අදාළ සිදුවීමෙන් තවත් පුද්ගලයින් 80 දෙනෙකු පමණ තුවාල ලබා ඇති බවද විදෙස් මාධ්‍ය අනාවරණය කරනවා.
මෙලෙස මියගිය පුද්ගලයින්ගෙන් බොහෝ දෙනෙක් යොවුන් වියේ තරුණයින් බවයි වාර්තා වන්නේ.
මිය ගිය පුද්ගලයින් අතර ශ්‍රී ලාංකිකයෙකු ද සිටින බව විදේශ කටයුතු අමාත්‍ය අලි සබ්රි මහතා පවසනවා.
එලෙස මිය ගොස් ඇත්තේ 27 හැවිරිදි මහනුවර ප්‍රදේශයේ පදිංචිව සිටි තරුණයෙක්.
අදාළ උත්සවය සඳහා විශාල ජනතාවක් රැස්ව සිට ඇති අතර පටු මන්තීරුවක විශාල පිරිසක් එක්රැස්වීම මෙම අනතුරට හේතුවී ඇති බව එරට ගිනිනිවන හමුදාව පවසනවා.
