දකුණු කොරියාවේ සෝල් අගනුවර පැවති හැලොවින් සාදයක් අතරතුර සිදුවූ තෙරපීමෙන් මියගිය පුද්ගලයින් සම්බන්ධයෙන් ජනාධිපති රනිල් වික්‍රමසිංහ මහතා සොව පලකර තිබෙනවා.
ඒ අනුව කොරියානු රජයට සහ ජනතාවට මෙන්ම විශේෂයෙන් මියගිය අයගේ පවුල්වලට සිය බලවත් ශෝකය ප්‍රකාශ කරන බව ජනාධිපති රනිල් වික්‍රමසිංහ මහතා පවසනවා.
නිවේදනයක් නිකුත් කරමින් ජනාධිපති මාධ්‍ය අංශය සඳහන් කළේ තුවාල ලැබූවන්ටද ජනාධිපති රනිල් වික්‍රමසිංහ මහතා ඉක්මන් සුවය ප්‍රාර්ථනා කරන බවයි.
දකුණු කොරියාවේ ඊයේ (29) රාත්‍රීයේ සංවිධානය කර තිබූ හැලොවින් සාදයක් අතරතුර සිදු වූ තෙරපීම හේතුවෙන් මේ වනවිට මියගිය ගණන 151ක් පමණ වන අතර තවත් පුද්ගලයින් 82ක් පමණ තුවාල ලබා ඇති බව විදෙස් මාධ්‍ය වාර්තා කරනවා.
