කැළණි විශ්ව විද්‍යාලයේ ජ්‍යෙෂ්ඨ සිසුන් පිරිසක් විසින් තමන්ට නවක වදය දුන් බවට පවසමින් එම විශ්ව විද්‍යාලේ දෙවන වසරේ ඉගෙනුම ලබන සිසුවෙක් කිරිබත්ගොඩ පොලීසියට පැමිණිල්ලක් ඉදිරිපත් කර තිබෙනවා.
ඔහු පොලීසිය වෙත ලබාදුන් පැමිණිල්ලේ සඳහන් වන්නේ බාහිර පෙනුව සම්බන්ධයෙන් දෝෂාරෝපනය කර රැවුල හා කොණ්ඩය බූගා දමන ලෙසත්, සපත්තු වෙනුවට පාවහන් පළදින ලෙසත් අත්ඔරලෝසු නොපදිලන ලෙස ජ්‍යෙෂ්ඨ සිසුන් පිරිසක් පවසමින් තමාව විශ්ව විද්‍යාල ආපනශාලාව වෙත රැගෙන ගිය බවයි.
ඉන්පසු තිදෙනෙක් මොහුගේ මුහුණට සහ ඇගට පහර දී තිබෙනවා.
අදාළ අවස්ථාවේ එම ස්ථානයේ සිසුන් හත් දෙනෙක් සිට ඇති අතර ඔවුන් නම් වශයෙන් නොදන්නා නමුත් දුටුවහොත් හඳුනාගත හැකි බවයි පොලීසිය වෙත ලබාදුන් ප්‍රකාශය සටහන් වන්නේ.
පහරකෑමට ලක් වූ සිසුවා රාගම රෝහලේ අධිකරණ වෛද්‍යවරයා වෙත ඉදිරිපත් කර ඇති අතර සිද්ධියට සම්බන්ධ සිසුන් අත්අඩංගුවට ගැනීම සඳහා පොලිස් විමර්ශන සිදු කරනු ලබනවා.
