රජයේ වියදමට වඩා මේ වසරේ මුල් මාස හතරේ ලබාගෙන ඇති ණය ප්‍රමාණය වැඩි බව අධ්‍යනයකින් අනාවරණය වී තිබෙනවා.
මෙම තොරතුරු අනාවරණය වී ඇත්තේ පේරාදෙණිය විශ්ව විද්‍යාලයේ ආර්ථික විද්‍යා හා සංඛ්‍යාන අධ්‍යයන අංශයේ මහාචාර්ය වසන්ත අතුකෝරළ සහ රුහුණු විශ්ව විශ්ව විද්‍යාලයේ ආර්ථික විද්‍යා අධ්‍යයන අංශයේ ආචාර්ය නන්දසිරි කීඹියහෙට්ටි යන මහත්වරුන්ගේ ප්‍රධානත්වයෙන් යුතු පරීක්ෂණ කණ්ඩායමක් සිදුකළ අධ්‍යනයකදීයි.
එම අධ්‍යනයට අනුව මේ වසරේ ජනවාරි ආරම්භ වන විට රජයේ මුළු ණය ප්‍රමාණය රුපියල් කෝටි දාහත් ලක්ෂ පනස් අට දහස් නව සියයකි.
මේ වසරේ අප්‍රේල් අවසානය වන විට එම ප්‍රමාණය රුපියල් කෝටි විසි තුන් ලක්ෂ එක් දහසක් දක්වා වර්ධනය වී තිබෙනවා.
මහ බැංකුව විසින් ප්‍රකාශයට පත් කළ වාර්තා වලද මෙම තොරතුරු තහවුරු වී ඇති බවයි මහාචාර්ය වසන්ත අතුකෝරල මහතා කියා සිටින්නේ.
මේ අනුව මෙම වසරේ මුල් මාස 4ක කාලය තුළ රජයේ ශුද්ධ ණය ගැනීම්වල ඉහළ යෑම රුපියල් කෝටි පන්ලක්ෂ හැත්තෑ දෙදහසක් බවයි එම අධ්‍යනයේ වැඩිදුරටත් සඳහන් වන්නේ.
