මස්ක්ගේ පසුපස යන සකර්බර්ග්

මෙටා සමාගම සේවක කප්පාදුවකට සැරසෙන බව විදෙස් මාධ්‍ය වාර්තා කර තිබෙනවා.

ෆේස්බුක්, ඉන්ස්ටග්‍රෑම් සහ වට්ස්ඇප් සමාජ මාධ්‍ය ජාල අයත් මෙටා සමාගමටයි.

වාර්තා වලට අනුව ප්‍රතිශයතක් ලෙස සියයට 13ක සේවක කපාදුවකට මෙටා සමාගම සැරසෙන අතර එම සේවක සංඛ්‍යාව 11,000 ඉක්මවනු ඇති බවයි පැවසෙන්නේ.

ලොවපුරා මෙටා සේවකයින් මේ වනවිට 87,000ක් පමණ සිටින අතර මෙම තීරණය සම්බන්ධයෙන් මේ වනවිට ලෝකයේම අවධානය යොමුව තිබෙනවා.

සමාගමේ නිර්මාතෘ මාර්ක් සකර්බර්ග් මේ සම්බන්ධයෙන් අදහස් දක්වමින් පවසා ඇත්තේ ඉතිහාසය තුළ ගත් අසීරුතම තීරණය මෙය බවයි. එම තීරණය සම්බන්ධව තමන් වගවන අතර ඒ සම්බන්ධයෙන් තමා කණගාටු වන බවත් ඔහු පවසනවා.