ප්‍රමුඛ පෙලේ ව්‍යාපාරිකයෙක් වූ දිනේෂ් ෂාෆ්ටර් මහතාගේ ඝාතනය සම්බන්ධව සිදු කරන විමර්ශනවලට අදාළව දුරකථන හතක විමර්ශන වාර්තා ලබාගෙන අධිකරණයට කරුණු වාර්තා කරන මෙන් කොළඹ අතිරේක මහේස්ත්‍රාත් හර්ෂණ කැකුණවෙල බොරැල්ල පොලීසිය වෙත නියෝග කර තිබෙනවා.
ඒ ඊයේ (20) අදාළ සිද්ධිය සම්බන්ධයෙන් දුරකථන අංක හතරක විශේලේෂණ වාර්තා ලබා ගැනීමට අවශ්‍ය බැවින් ඒ සඳහා නියෝගයක් ලබා දෙන ලෙස බොරැල්ල පොලීසිය කළ ඉල්ලීමකට අනුවයි.
බොරැල්ල පොලීසිය අධිකරණය හමුවේ කියා සිටියේ ඝාතනය ලක්වූ දිනේෂ් ෂාෆ්ටර් මහතාගේ බිරිඳ සහ ඔහුගේ ආයතනයේ සේවකයන් දෙදෙනෙකුගෙන් ද මේ වන විට ප්‍රකාශයක් සටහන් කරගෙන ඇති බවයි.
මේ අනුව ඉදිරිපත් වූ කරුණු සලකා බැලු මහේස්ත්‍රාත්වරයා සිද්ධිය සම්බන්ධයෙන් විමර්ශන සිදුකර කරුණු වාර්තා කරන ලෙස පොලීසියට නියෝග කරමින් නඩුව කල් දමනු ලැබුවා.
මේ අතර ව්‍යාපාරික දිනේෂ් ෂාෆ්ටර් බොරැල්ල සුසාන භූමියට ගේනවා ඝාතනය කර ඇත්තේ ඔහුගේ සමිපතමයෙකුගේ සැලසුමකට අනුව බවට ඒ සම්බන්ධ විමර්ශන සිදුකරන නිලධාරීන්ට සැකයක් මතුව තිබෙනවා.
