රාජ්‍ය සේවක වැටුප් හෝ සමෘද්ධි ඇතුළු සුබසාධන දීමනා ගෙවීම සම්බන්ධයෙන් අනියත බියක් ඇති කරගත යුතු නොමැති බව මුදල් රාජ්‍ය අමාත්‍ය ෂෙහාන් සේමසිංහ මහතා පවසනවා.
රජයේ ආදායම් වියදම් කළමනාකරණයේ දී රාජ්‍ය සේවක වැටුප් විශ්‍රාම වැටුප් සහ සුබසාධන දීමනා ප්‍රමුඛතාවය ලබාදෙන බවයි නිවේදනයක් නිකුත් කරමින් මුදල් රාජ්‍ය අමාත්‍යවරයා පවසන්නේ.
“පවතින ආර්ථික අර්බුදයෙන් මේ වන විට රටේ ආර්ථිකය යම් ස්ථාවර මට්ටමක පැවතුන ද මෙම අර්බුදයෙන් සම්පුර්ණයෙන් මිදීමට හැකියාවක් නැහැ. ඒ තත්ත්වය අපි පිළිගත යුතු බවයි. ඒ සඳහා අවශ්‍ය පුර්ණ වැඩසටහන මේ වන විට ක්‍රියාත්මක වෙමින් පවතිනවා. රජයේ ආදායම් වියදම් කළමනාකකරණය කිරීමේදී අත්‍යාවශ්‍ය ප්‍රමුඛතාවයක් වෙනුවෙන් මහා භාණ්ඩාගාරයෙන් ගෙවීම් සිදු කරනවා. ඒ නිසා අනියත බියක් ඇති කරගන්න ඕන නැහැ”.
