අහුන්ගල්ල මරදාන වත්ත ප්‍රදේශයේ අතහැර දැමු ඉඩමක තිබී ක්ලේමෝ බෝම්බයක් සොයාගෙන තිබෙනවා.
අහුන්ගල්ල පොලීසියට ලද තොරතුරක් මත සිදුකළ මෙහෙයුමකදී මෙම බෝම්බය සොයාගෙන ඇති බවයි වාර්තා වන්නේ.
අදාළ ඉඩමේ කෙසෙල් පදුරක් යට සඟවා තිබියදී මෙම ක්ලේමෝ බෝම්බය සොයා ගත් බවයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව මහතා කියා සිටියේ.
පසුව පොලිස් විශේෂ කාර්ය බලකායේ නිලධාරීන් පැමිණ එය රැගෙන ගොස් තිබෙනවා.
සිද්ධිය සම්බන්ධයෙන් වැඩිදුර විමර්ශන අහුන්ගල්ල පොලීසිය සිදු කරනු ලබනවා.
