සිය පාලන සමයේ සිදුවූ පාස්කු ප්‍රහාරය සම්බන්ධව තමා සමාව ඉල්ලා සිටින බව හිටපු ජනාධිපති මෛත්‍රිපාල සිරිසේන මහතා පවසනවා.
ඔහු මේ බව කියා සිටියේ (31) අද පැවැති මාධ්‍ය හමුවකදීයි.
සිය පාලන කාලය තුළ වෙනත් අය සිදුකළ වරදකට තමාට වන්දියක් ගෙවීමට සිදුවීම පිළිබඳව ප්‍රධාන වශයෙන් සහ පාස්කු ප්‍රහාරයෙන් මියගිය ජනතාව සහ අතපය කැඩී එක්තැන්ව සිටින ජනතාව වෙනුවෙන් දෙවියන් වහන්සේගෙන් සමාව ඉල්ලන බවයි හිටපු ජනාධිපතිවරයා ප්‍රකාශ කළේ.
”කතෝලික ජනතාවගෙන් මම සමාව ඉල්ලා සිටිනවා. මම කිසි දෙයක් දන්නෙ නැතුව, මෙවැනි ත්‍රස්ත ප්‍රහාරයක් එල්ල වෙලා මගේ පාලන කාලය තුළ මෙවැනි ප්‍රහාරයක් එල්ල වෙලා ජීවිත විනාශවීම පිළිබඳව”
මේ අතර හිටපු ජනාධිපතිවරයා මාධ්‍ය හමුවේදී වැඩිදුරටත් අදහස් දක්වමින් කියා සිටියේ, ඉදිරි ජනාධිපතිවරණයට තමන් තරඟ කිරීමට සුදානම් බවයි.
”මම මේ කිසිදේකින් පස්සට යන මිනිහෙක් නෙවයෙි… මේ මොන වධ දුනන්ත් පක්ෂයේ සහයෝගය අරගෙන, ඡන්ද කීයක් ගත්තත් ජය ගන්න පුළුන් කියන විශ්වාසය උඩ ඉදිරි ජනාධිපතිවරණයට තරග කරනවා”
