චීන සම්භවයක් සහිත ඕස්ට්‍රේලියානු ජාතික මාධ්‍යවේදිනියක වන චෙන්ග් ලී චින බලධාරීන් විසින් බීජිංහිදී අත්අඩංගුවට ගෙන ඇතැයි වාර්තා වේ.
චීනය පිළිබද රහස් විදේශ වෙත ලබාදෙන බවට චෝදනා කරමින් මෙම අත්අඩංගුවට ගැනීම සිදුකර ඇති බව සදහන් වේ.
කෙසේවෙතත් අන්තර්ජාතික මාධ්‍ය සංවිධාන රැසක් සදහන් කර ඇත්තේ ඇය කොරෝනා අර්බුදය කලමනාකරණය සම්බන්ධයෙන් චීන ජනාධිපතිවරයාගේ සහ චීන රජයේ ප්‍රතිපත්ති දැඩි ලෙස විවෙචනය කරමින් සමාජ මාධ්‍ය ඔස්සේ අදහස් පළකිරීම මෙම අත්අඩංගුවට ගැනීමට හේතුවන්නට ඇති බවයි.
මීට පෙරද ඇය මාස හයක පමණ කාලයක් චීනය විසින් රදවාගෙන සිට ඇති බවත් ඇය පිළිබද යුක්තිය ඉටුකරන ලෙස ඕස්ට්‍රේලියානු රජය චීනය වෙත අවධාරණය කොට ඇති බවත් අදාළ මාධ්‍ය වාර්තාවල වැඩිදුරටත් සදහන් වේ.
දෙදරැ මවක් වන මෙම චෙන්ග් ලී වහාම නිදහස් කරන්නැයි අන්තර්ජාතික මාධ්‍ය සංවිධාන රැසක් මේ වනවිටත් චීනයට අවධාරණය කොට තිබේ.
