අමාත්‍යවරයා කියා සිටියේ නීතියට අනුව වසරකට දෙවතාවක් එනම් ජනවාරි මාසයේදී සහ ජූලි මාසයේදී විදුලි බිල වෙනස් කළ හැකි බව විදුලිබල හා බලශක්ති අමාත්‍ය කාංචන විජේසේකර පවසනවා.
ඒ, ඊයේ (16) මාධ්‍ය වෙත අදහස් දක්වමින්.
“මෙම කාල සීමාව තුළ සමාලෝචනයක් සිදු කළ යුතු බවත් අවශ්‍යතා මත පදනම්ව ගාස්තු සංශෝධනය කළ යුතු බවත් අපි යෝජනා කළා. අපි ජනවාරි මාසයේ යෝජනා කළ පරිදි ගාස්තු වැඩි කළා නම්, අපි ජූලි මාසයේ ප්‍රගතිය සමාලෝචනය කරලා ගාස්තු සංශෝධනය තුළ සහන ලබා දීමට බලාපොරොත්තුව සිටියා” යැයි ඔහු පවසනවා.
ශ්‍රී ලංකාවේ බලශක්ති ක්ෂේත්‍රයට නව ආයෝජකයින්ට ප්‍රවේශ වීමට අවශ්‍ය පරිසරය නිර්මාණය කිරීමට මෙම කාලසීමාව තුළ පියවර ගන්නා බවත් අමාත්‍ය විජේසේකර පවසනවා.
“ජූලි මාසය වෙනකොට අපට ඇත්ත තත්ත්වය විනිශ්චය කළ හැකි වගේම මහජන උපයෝගිතා කොමිෂන් සභාවට විදුලි ගාස්තු අඩු කර සහනයක් ලබා දිය හැකිද යන්න සොයා බැලිය හැකියි. මම විශ්වාස කරනවා, ජූලි මාසය වන විට තත්ත්වය මත පදනම්ව මීළඟ ගාස්තු සංශෝධනය වැඩි වීමක් පෙනෙන්නට නොමැති බව.”
මීළඟ ගාස්තු සංශෝධනය තුළින් මහජනතාවට සහන සැලසීම රජයේ අරමුණ බවත් අමාත්‍ය කාංචන විජේසේකර වැඩිදුරටත් පවසනවා.
