විදුලි කප්පාදුවට නිවෙස්වලට යන සේවකයන්ට පොලීසියේ ආරක්ෂාව ලබා දෙන ලෙස ලංවිම ඒකාබද්ධ වෘත්තීය සමිති සන්ධානය ඉල්ලීමක් කර තිබෙනවා.
එම සන්ධානයේ සම කැඳවුම්කරු රන්ජන් ජයලාල් මහතා කියා සිටියේ විදුලි කප්පාදුව හා බිල ඉහළ දැමීම සම්බන්ධයෙන් විදුලිබල මණ්ඩලයේ ඇතැම් සේවකයන්ට මරණ තර්ජන එල්ල වී ඇති බවයි.
ඔවුන්ට රාජකාරි කිරීමට ගොස් පාරිභෝගිකයන්ට ගුටි කෑමට නොහැකි බවයි ඒ මහතා පෙන්වා දෙන්නේ.
ඒ නිසා මීට පොලිස් ආරක්ෂාව සපයන ලෙස ඔහු ඉල්ලා සිටිනවා.
මේ අතර විදුලිබිල වැඩි කිරීමට එරෙහිව දැවැන්ත සටනක් ක්‍රියාත්මක කර ඇති බව රන්ජන් ජයලාල් මහතා පවසනවා.
ඊට සහය ලබාදී එම සටනට එක්වන ලෙසයි ඒ මහතා ජනතාවගෙන් ඉල්ලා සිටින්නේ.
විදුලි කප්පාදුවට යන සේවකයන්ට නිවැසියන්ගෙන් ගුටි කෑමට සිදුවුවහොත් වෘත්තීය සමිතියක් ලෙස ඊට මැදිහත් නොවන බව ඔහු වැඩිදුරටත් අවධාරණය කරනවා.
