කොවිඩ් ගෝලීය වසංගතය හේතුවෙන් පනවා තිබූ සීමා ඉවත් කරමින් විදෙස් සංචාරකයින් වෙනුවන් වසර 3කට පසුව සියලුම ආකාරයේ වීසා නිකුත් කිරීමට චීනය තීරණය කර තිබෙනවා.
ඒ අනුව හෙට (15) සිට සියලුම ආකාරයේ වීසා නිකුත් කිරීමට තීරණය කර ඇති බවයි වාර්තා වන්නේ.
ශුන්‍ය කොවිඩ් පාලන ප්‍රතිපත්තියක් අනුගමනය කරමින් සිටි චීනය, ගෙවුණු වසරේ අගභාගයේදී කොවිඩ් සීමා ලිහිල් කිරීමට තීරණය කළේ ඊට එරෙහිව රටපුරා මතුවූ විරෝධතා රැල්ලට ප්‍රතිචාර ලෙසයි.
හෙට සිට රට සම්පූර්ණයෙන් සංචාරකයින්ට විවෘත කෙරෙන්නේ ද කොවිඩ් සීමා ලිහිල් කිරීමේ අවසන් පියවර ලෙසින්.
කෙසේ නමුත් චීනය මෙම පියවර ගෙන ඇත්තේ කොවිඩ් වෛරසයට අමතරව ඉන්ෆ්ලුවෙන්සා පැතිරීමක් නිසා වයඹදිග නගරයක් වන ෂියාන් වසා දැමීමක් ද සිදු කළ පසුබිමක වීම විශේෂයක්.
