සුශාන්ත් සිං රාජ්පුත් ගේ මරණයට මාස අටකින් පසු ඔහු සමඟ M.S.Dhoni චිත්‍රපටයේ රඟපෑ සන්දීප් නහර් ඊයේ (15) රාත්‍රියේ සියදිවි හානිකරගෙන තිබෙනවා.
සියදිවි හානිකරගැනීමට පෙර මෙම ක්‍රියාවට හේතුව කුමක්දැයි යන්න පැහැදිලි කරමින් ඔහු සිය ෆේස්බුක් ගිණුමෙහි වීඩියෝ සටහනක් තැබීමටද කටයුතු කර ඇති බවයි වාර්තා වන්නේ.
ඒ අනුව සන්දීප් පවසන පරිදි ඔහු මෙම තීරණය මීට බොහෝ කලකට පෙර ගැනීමට තීරණය කෙරූවක් වනවා.
එහෙත් තමන්ගේ ජීවිතයේ සියල්ල හොඳින් සිදුවේයැයි විශ්වාසයෙන් මේ කාලය ගෙවා දැමූවට එය එසේ නොවූ බවයි සන්දීප් සදහන් කරන්නේ.
එසේම ඔහු පවසා ඇත්තේ තම බිරිඳ සහ ඇයගේ මවගේ හැසිරීම් මේ තීරණයට හේතු වූ බවයි.
තම බිරිඳ නිතරම සියදිවි හානි කර ගැනීම ගැන පවසමින් ඔහුට තර්ජනය කල නමුත් තමන්ගේ මේ තීරණය වෙනුවෙන් තම බිරිඳ වරදකරු නොකරන ලෙසත් ඔහු තව දුරටත් පවසා තිබෙනවා.
