කැරළි නොගසනවා නම් ඔවුන් තරුණයන් නොවන බව මැතිවරණ කොමිසමේ සභාපති නීතිඥ නිමල් පුංචිහේවා මහතා පවසනවා.
ඔහු මේ බව කියා සිටියේ කොළඹ පැවැති උත්සවයකදීයි.
“ගඟකට ගලන්න එපැයි කියන්න, ගලන්නැත්තං එය ගඟක් නොවේ. සුළඟට හමන්න එපැයි කියන්න, හමන්නැත්තං එය සුළඟ නොවේ.
පොඩි ළමයින්ට දඟ කරන්න එපැයි කියන්න, දඟ කරන්නැත්තං උන් පොඩි ළමයින් නෙමෙයි. තරුණයන්ට කැරළි ගහන්න එපැයි කියන්න, කැරළි ගහන්නැත්තං ඔවුන් තරුණයින් නොවෙයි.
නමුත් මේ කැරළි ගහනවා කියන්නේ ආයුධ අරගෙන කරන ක්‍රියාවක් නෙවෙයි, කැරළි ගහනවා කියන්නේ ගෝත්‍රික සමාජයේ ගෝත්‍රික ලක්ෂණ වලින් මිදිලා ඒවට අභියෝගාත්මකව මුහුණදීමක්.
මොකද අපේ සමාජයේ අද විවිධත්වයට පිළිගැනීමක් නැහැ, ඒ නිසා සමාජය තුළ සාම්ප්‍රදායිකව එන කාරණයක් ජාතිය, ආගම, කුළය නිසා බෙදලා වෙන් කරලා, ඒ අනුව ප්‍රතිචාර දක්වනවා.
මේ මුල් බැහැගත්ත වැඩ වසම් ගෝත්‍රීය ලක්ෂණ අපේ සමාජයේ තාම ප්‍රභල විදියට ක්‍රියාත්මක වෙනවා. මේකට අභියෝග කරමින්, මේක වෙනස් කරන්න වැඩි හැකියාව තියෙන්නේ, උවමනාව එන්නේ තරුණයන්ට.”
