අමෙරිකානු ඩොලර් කෝටි 10ක පිරමීඩාකාර මූල්‍ය වංචාවක් සිදුකළ බව කියන පුද්ගලික(ONMAX DT) ආයතනයේ අධ්‍යක්ෂකවරුන් හයදෙනෙකුගේ විදෙස් ගමන් තහනම් කරන ලෙස කොලඹ මහේස්ත්‍රාත් ප්‍රසන්න අල්විස් මහතා ඊයේ (28)නියෝග කර තිබෙනවා.
මෙලෙස විදේශ ගමන් තහනම් කෙරුණේ සම්පත් සඳරුවන්,අතුල ඉන්දික සම්පත් ,ගයාශාන් අබේරත්න,මධුරංග ප්‍රසන්න,සාරංග රන්දික සහ ධනංජය ජයාන් යන අය වෙතයි.
මහේස්ත්‍රාත්වරයා විසින් නියෝග කළේ අධිකරණය විසින් ගත් මෙම තීරණය ආගමන විගමන පාලක ජනරාල්වරයා වෙත දන්වන ලෙසත් සැකකාර අධ්‍යක්ෂකවරුන්ගේ සහ බැංකු ගිණුම් 57 ද අත්හිටුවන ලෙස නියෝග කර තිබෙනවා
ශ්‍රී ලංකා මහ බැංකුවේ මූල්‍ය බුද්ධි ඒකකයේ අධ්‍යක්ෂකවරයාගේ පැමිණිල්ලක් අනුව මූල්‍ය අපරාධ විමර්ශන ඒකකය බී වාර්තාවක් ඉදිරිපත් කරමින්
අධිකරණයට ඉදිරිපත් කළ කරුණු දැක්වීමෙන් අනතුරුවයි මහේස්ත්‍රාත්වරයා මෙම නියෝගය නිකුත් කළේ.
