සිය නිල නිවසේ ඇඳක් මත අභිරහස් ලෙස මිය ගොස් සිටි තඹුත්තේගම රෝහලේ වෛද්ය සඳකැලුම් දිසානායක මහතා සියදිවි හානි කර ගැනීමට ඉන්සියුලින් එන්නත් කරගත්තේ දැයි සැක කරන එන්නත් කටු නිල නිවසේ පිටුපස පුළුස්සා දමා තිබියදී සොයාගෙන තිබෙනවා.
තඹුත්තේගම පොලීසිය කියා සිටියේ එම එන්නත් කටු අඩක් පිලිස්සී තිබියදී හමුවී ඇති බවයි.
මෙලෙස පිලිස්සුණු එන්නත් කටු අධිකරණ නියෝගයකින් අනතුරුව රජයේ රස පරීක්ෂකවරයා වෙත යොමු කරන බවයි වාර්තා වන්නේ.
තඹුත්තේගම රෝහලේ සේවයේ නිරත වී සිටි මෙම වෛද්යවරයා සිය බිරිඳගෙන් වෙන්ව ජීවත්ව ඇති බවද විමර්ශනවලදී පෙනී ගොස් තිබෙනවා.
මුලික පොලිස් විමර්ශනවලදී අනාවරණය වී ඇත්තේ පසුගිය ජනවාරි 13 වනදායින් පසු දෙදෙනා අතර කිසිඳු අදහස් හුවමාරුවක් ද සිදුව නොමැති බවයි.
වෛද්යවරයාගේ මරණය බිරියට දැනුම් දීමෙන් පසුව ඇය වෛද්යවරයාගේ සහෝදරයකු සමඟ පැමිණ මළ සිරුර හඳුනාගෙන මරණ පරීක්ෂණ කටයුතු සඳහා සම්බන්ධ වී ඇති බව සඳහන්.
මළ සිරුර අනුරාධපුර රෝහලේ අධිකරණ වෛද්ය ඊ.ජී.යූ.එන්.යූ. ගුණරත්න මහතා වෙත පශ්චාත් මරණ පරීක්ෂණයකට යොමු කර ඇති අතර ශ්චාත් මරණ පරීක්ෂණය පසුගියදා (14) පැවැත්වීමෙන් අනතුරුව විවෘත තීන්දුවක් ලබා දී ඇති බවයි වාර්තා වන්නේ.
සියදිවි හානි කරගෙන සිටි මේ වෛද්යවරයාගේ සිරුර හමුවී ඇත්තේ දින 3ක් තිස්සේ සේවයට වාර්තා නොකිරීම හේතුවෙන් ඒ සම්බන්ධයෙන් රෝහලේ සේවකයන් කළ සොයා බැලීමකදීයි.