න්යෂ්ටික බලශක්ති ක්ෂේත්රයේ ලොව දැවැන්තයෙකු වන, රුසියානු රාජ්ය පරමාණුක බලශක්ති සංස්ථාව හෙවත් රොස්ආතම් ආයතනය ශ්රී ලංකාවේ න්යෂ්ටික බලාගාරයක් ඉදිකිරීමට සැලසුම් කර තිබෙනවා.
මේ බව අනාවරණ කෙරුණේ රුසියාවේ, පසුගියදා පැවති සාන්ත පීටස්බර්ග් ජාත්යන්තර ආර්ථික සමුළුවේදී.
රුසියානු රාජ්ය පරමාණුක බලශක්ති සංස්ථාව හෙවත් ROSATOM (රොස්ආතම්) යනු රුසියාවේ විශාලතම විදුලිබල නිෂ්පාදකයා වන අතර එමෙන්ම එය න්යෂ්ටික වෛද්ය විද්යාව සඳහා උපකරණ, ඩිජිටල් නිෂ්පාදන, විවිධ නව්ය න්යෂ්ටික සහ න්යෂ්ටික නොවන නිෂ්පාදන නිපදවන ආයතනයකි.
මේ වනවිට ඔවුන් ලොවපුරා රටවල් 11ක සමාගම් 34ක් සමඟ බලශක්ති ක්ෂේත්රයට අදාළව ව්යාපෘති රැසක් ක්රියාත්මක කර තිබෙනවා.
එම දැවැන්ත ආයතනය ශ්රී ලංකාව ද හවුල් කරගනිමින් මෙගාවොට් 300ක ධාරිතාවකින් යුත් න්යෂ්ටික බලාගාරයක් ඉදිකිරීමට යෝජනා වී ඇති බවයි වාර්තා වන්නේ.
රුසියාවේ, සාන්ත පීටස්බර්ග් ජාත්යන්තර ආර්ථික සමුළුව පසුගියදා අමතමින් රුසියානු රාජ්ය පරමාණුක බලශක්ති සංස්ථාවේ ප්රධාන විධායක නිලධාරී ඇලෙක්ස් ලිඛචේෆ් මේ බව හෙළි කළ බව සඳහන්.
ඔහු පවසන්නේ ශ්රී ලංකාව ඇතුළු රටවල් කිහිපයක් සමග එක්වී න්යෂ්ටික බලාගාර ඉදිකිරීම සඳහා මේ වසරේ සිය ආයතනය සමග නීත්යනුකූලව ගිවිසුම්වලට එළඹීමට අවශ්ය බවයි.