පාර්ලිමේන්තුවේදී මෑතකදී විශ්රාම ලැබූ උසස් නිලධාරියෙකු එහි විශේෂිත කමිටුවක ඉහළ තනතුරකට පත්ව විශ්රාම වැටුපට අමතරව පෙර නිලයේ සම්පුර්ණ වැටුප ද වාහන ඇතුළු අනෙක් සියළු පහසුකම්ද ලබා ගෙන ඇති බව වාර්තා වනවා.
පාර්ලිමේන්තු ආරංචි මාර්ග පෙන්වා දෙන්නේ ඔහුගේ මෙම ක්රියාකලාපය ගැන බොහෝ නිලධාරීන් සහ සේවකයන් දැඩි අප්රසාදය පළකර ඇති බවයි.
පාර්ලිමේන්තුවෙන් මෑතකදී විශ්රාම ලැබූ මෙම නිලධාරියා පාර්ලිමේන්තුවට දින කිහිපයක්ම පැමිණෙන අතර ඒ පැමිණෙන සෑම අවස්ථාවක පාර්ලිමේන්තුවෙන් සුඛෝපභෝගී වාහනද ලබාගෙන ඇති බවද සඳහන් වනවා.
රජයේ ඉහළ ප්රධානියෙකුගේ අනුමැතිය මත ඔහු මෙම තනතුරට පත් කර තිබෙනවා.
කෙසේ වෙතත් ඔහුගේ මෙම පත්වීමට බොහෝ මැති ඇමතිවරුන් අප්රසාදය පළකර ඇති බවද දේශපාලන ආරංචි මාර්ග පෙන්වා දෙනවා.