බලාපොරොත්තු කන්දක් එක්ක ජීවිතේ ගෙවෙන තත්පරයක් ගානේ අනාගතය වෙනුවෙන් අපි මවන හීන වෙනුවෙන් මහේල හෙට්ටිආරච්චි දැනෙන නිර්මාණයක් කරලා තියෙනවා.මහේල ලියන වචන වල රසිකයෙක් විදිහට ලොකු බලාපොරොත්තුවක් තිබුනා ඒ ලියැවුණු වචන තරම්ම ලස්සන නිර්මාණයක් දකින්න ලැබේවී කියලා.ඒ බලාපොරොත්තුව නොබිඳී රකින්න මහේල ට වගේම සහයට හිටපු පිරිසට පුළුවන් උනා.
“එයාට තියෙන්නේ අයිති කරගන්න උවමනාවක්.
මට තියෙන්නේ ජීවිතය ගැන ඉපදිච්ච අමුතු බයක්…!”
එහෙම පටන් ගත්තු කතාව අවසානයේදී අපි හැමෝම ජීවත් වෙන්නේ ජීවිතේ ගැන ගොඩ ගහගත්තු මහා හීන ගොඩක් එක්ක වගේම ඒ හීන කොයි මොහොතකදී සුනු විසුණු වෙලා යාවිද කියලා කියන්න බැරි තරම් අවිනිශ්චිත ලෝකයක් ඇතුලෙ නේද කියලා මට හිතුනා.
වැඩියෙන්ම සතුටු හිතුණු තව තැනක් තමයි කෙටි චිත්‍රපටය අවසානයේදී දකින්න ලැබුනු ගෞතම් මෙනන්,අල්පොන්ස් පුත්‍රේන් වගේ ආදරණීය සිනමා කරුවන්ට තමන්ගේ “ස්නේහ” වෙනුවෙන් ලබා දුන්නු ස්තූතිය…..!
ආදරණීය මිනිස්සුන්ට ආදරණීය නිර්මාණ බිහි කරන්න ආදරණීයයන්ගෙන් ලැබන ආභාශය තරම් වටින දෙයක් තවත් නැහැ.
ස්නේහ බලන්න…..
– අනුජ වික්‍රමසිංහ –
