බතලේගල කදුමුදුනේ මේ වන විට චෛත්‍යයක් ඉදිකරමින් පවතින බවට තොරතුරු වාර්තා වෙනවා.
පොල්වත්තේ පොඩි හාමුදුරුවෝ යන හිමි නම විසින් මව් පියන් සිහිවීම පිණිස බතලේගල මව්පිය වෙහෙර නමින් කඳුමුදුනේ වෙහෙර නිර්මාණය කරන බවටයි තොරතුරු වාර්තා වන්නේ.
පසුගිය මස 24 වන දින ඓතිහාසික බතලේගල බෞද්ධාලෝක මව්පිය ගුණ සමරු මහවෙහෙර යන නමින් මෙම විහාරය ගොඩ නැගීමේ කටයුතු ආරම්භ කර තිබෙනවා.
කෙසේවෙතත් මෙම ක්‍රියාවට සමාජ මාධ්‍ය තුළින් දැඩි විවේචනයක් මේ වන විට එල්ලවී තිබෙනවා.
පරිසර සංවිධානද පවසන්නේ කඳු මුදුන්වල චෛත්‍ය සෑදීමේ මෙම නව රැල්ල හරහා දැවැන්ත පාරිසරික හානියක් සිදුවන බවයි.
මේ සම්බන්ධයෙන් අදහස් දක්වමින් පරිසර යුක්ති කේන්ද්‍රයේ විධායක අධ්‍යක්ෂ හේමන්ත විතානගේ මහතා පවසන්නේ පරිසරය විනාශ කරමින් මෙම චෛත්‍ය ඉදිකිරීමට මූලික වන සියලු දෙනාට එරෙහිව නඩු පවරන බවයි.
