දුම්රිය පීලිපැනීමකින් ඇණහිට තිබූ උඩරට මාර්ගයේ දුම්රිය ධාවනය යථා තත්ත්වයට පත්කර තිබෙන බව දුම්රිය පාලක මැදිරිය සඳහන් කළා.
එම මාර්ගයේ දුම්රිය ධාවනය අද (05) පස්වරු 01 ට පමණ යළි ආරම්භ කළ බවයි වාර්තා වන්නේ.
නානුඔය සිට මහනුවර බලා ධාවනය වූ දුම්රියක් තලවකැලේ සහ වටගොඩ අතරදී පීළිපැනීමටකට ලක්වූයේ එම දුම්රිය මාර්ගයට කඩා වැටී තිබූ ගසක ගැටීම හේතුවෙන් බව සදහන් වෙනවා.
මේ අතර කොළඹ කොටුව සහ බදුල්ල අතර ධාවනය වන රාත්‍රි තැපැල් දුම්රියද නියමිත පරිදි ධාවනය කරන බව දුම්රිය පාලක මැදිරිය ප්‍රකාශ කළා.
