ඖෂධ පිළිබඳව විවිධ පාර්ශ්ව ඉදිරිපත් කරන චෝදනා ඇතුළු කරුණු සම්බන්ධයෙන් කඩිනමින් සොයා බැලීම සඳහා ස්වාධීන විශේෂඥ විද්වත් කමිටුවක් පත් කරන බව, සෞඛ්‍ය අමාත්‍ය කෙහෙලිය රඹුක්වැල්ල මහතා පවසනවා.
අමාත්‍යවරයා සඳහන් කළේ, එම කමිටුව විශේෂඥ වෛද්‍යවරුන් පස් දෙනෙකුගෙන් සමන්විත බවයි.
යම් ඖෂධයක් හෝ සෞඛ්‍ය ක්ෂේත්‍රයට අදාළ දෙයක් සම්බන්ධයෙන් ඉදිරිපත්වන ගැටලු පිළිබඳව නව කමිටුව මගින් ස්වාධීන විමර්ශනයක් සිදුකර කඩිනම් පියවර ගැනීමට නිර්දේශ ඉදිරිපත් කරන බවත් ඒ සඳහා කැබිනට් මණ්ඩල අනුමැතිය ලබා ගන්නා බවත් අමාත්‍ය කෙහෙළිය රඹුක්වැල්ල මහතා සඳහන් කළා.
මේ අතර ඖෂධවල ප්‍රමිතිය සහ සෞඛ්‍ය ක්ෂේත්‍රය සම්බන්ධයෙන් මතුව ඇති තත්ත්වය පිළිබඳව ඉදිරි සතියේ පාර්ලිමේන්තුවේදී විශේෂ ප්‍රකාශයක් කිරීමට අපේක්ෂා කරන බව කෙහෙළිය රඹුක්වැල්ල මහතා සඳහන් කරනවා.
