ඌව වෙල්ලස්ස විශ්ව විද්‍යාලයේ දෙවන සහ තෙවන වසරවල ඉගෙනුම ලබන ශිෂ්‍යයින් 14 දෙනෙකුගේ ශිෂ්‍යභාවය තාවකාලිකව අත්හිටුවීමට පියවර ගෙන තිබෙනවා.
එම විශ්ව විද්‍යාලයේ උපකුලපති මහාචාර්ය ජයන්ත ලාල් රත්නසේකර මහතා කියා සිටියේ පසුගිය 18 වැනිදා විශ්ව විද්‍යාලයේ දෙවන සහ තෙවන වසරවල ශිෂ්‍යයින් අතර ඇති වූ ගැටුමක් සම්බන්ධයෙන් සාක්ෂි ලැබීම හේතුවෙන් හේතුවෙන් මෙම පියවර ගෙන ඇති බවයි.
මේ අනුව ඊට අදාළ පරීක්ෂණ කටයුතු අවසන් වන තුරු එම ශිෂ්‍යයන් 14 දෙනාගේ ශිෂ්‍යභාවය තාවකාලිකව අත්හිටුවීමට පියවරගෙන තිබෙනවා.
සිද්ධිය සම්බන්ධයෙන් විමර්ශනය කිරීම සඳහා ආචාර්ය සහ මහාචාර්යවරුන් 05 දෙනෙකුගෙන් සමන්විත කමිටුවක් ද පත් කර ඇති බව සඳහන්.
එහි වාර්තාව කඩිනමින් ලබාදෙන ලෙස තමා උපදෙස් ලබාදුන් බවයි වැඩිදුරටත් අදහස් දක්වමින් විශ්ව විද්‍යාලයේ උපකුලපතිවරයා කියා සිටියේ.
