වයස අවුරුදු 18ට අඩු ළමුන් සඳහා ස්මා(ර්)ට් ජංගම දුරකථන භාවිතය දැඩි ලෙස නියාමනය කිරීමට චීනය සූදානම් වන බවට වාර්තා වෙනවා.
ඒ අනුව ළමුන් සඳහා එම දුරකථන භාවිතය දිනකට උපරිම වශයෙන් පැය දෙකක් ලෙස සීමා කළ යුතු බව අන්තර්ජාලය නියාමනය කිරීම සඳහා ස්ථාපනය කර ඇති එරට ආයතනය පවසනවා.
ඒ හේතුවෙන් එරට අදාළ සමාගම්වල කොටස් මිල ශීඝ්‍ර ලෙස අද දිනයේ පහළ ගොස් ඇති බව ජාත්‍යන්තර මාධ්‍ය සඳහන් කරනවා.
ස්මාර්ට් ජංගම දුරකථන සඳහා ‘minor mode’ යනුවෙන් මෙවලමක් හඳුන්වා දෙන ලෙසට සයිබර් අවකාශය නියාමනය සඳහා එරට අධිකාරිත්වය හිමි ‘Cyberspace Administration of China’ පවසනවා.
එමගින් වයස අවුරුදු 18ට අඩු අයට ජංගම දුරකථනය යොදාගෙන රාත්‍රී 10 සිට උදෑසන 6 දක්වා කාලය තුළ අන්තර්ජාලයට පිවිසීම වළක්වන බව ඔවුන් පවසන්නේ.
නව නිර්දේශ අනුව අවුරුදු 16ත් 18ත් අතර වයස් කාණ්ඩය සඳහා දිනකට පැය 2ක් අවුරුදු 8ත් 16ත් වයස් කාණ්ඩය සඳහා දිනකට පැයක් සහ වයස අවුරුදු 8ට අඩු ළමුන් සඳහා දිනකට මිනිත්තු 8ක් වශයෙන් ජංගම දුරකථන භාවිතයට ඉඩ ලබාදීමට නියමිතයි.
නමුත් මෙම නිර්දේශ සඳහා සමාගම් සම්පූර්ණ වශයෙන් එකඟවී නොමැති බව ද වාර්තා වී තිබෙනවා.
